Les légendes, les mythes, la fable, sont comme des réservoirs profonds où dorment le sang et les larmes des peuples (Baudelaire).

dimecres, 3 de novembre del 2010

Bonjorn a totes e totas,

L’idèa me rabalava dins lo cap dempuèi un brieu… Un blòg…
Mas caliá trapar una ofèrta sens publicitat, d’un manejament aisit, s’es possible en occitan, patin patan e tot aquò.
Autre pensament, un blòg es gaireben un jornal. Aquò vòl dire qu’i cal escriure benlèu pas cada jorn, mas plan sovent. Ajusti : escriure un quicòm que siá interessant evidentament, sequenon… Un quicòm agradiu,  de causas variadas, amb de fotòs, de videòs, de musica , un fum de daquòs, un vertadièr copa cap que.
Mas los problemas tecnics resolguts, sèm pas arribats çaquelà. Se las causas s’adoban plan, que lo blòg es un pauc interessant, lo mond van escriure. E qual s’entrevarà per respondre ? Avètz trobat ? Sètz plan intelligent…
En mai d’aquò, quand vesètz lo blòg (o puslèu l’òbra) de Mela, aquí lo ligam per los que coneisson pas : http://melanizetofre.blogspot.com/, e ben trapatz una mena de complèx …
Alavetz, fin finala lo fas o pas ? Ben, passat per tot, la demanda es faita d’un biais tant gent, amb de precaucions de pertot, de promessas d’ajuda e que te sabi ieu, qu’i anam passar…
Vos sètz marcats ? Veiretz de país !
… e al còp que ven !

4 comentaris:

Unknown ha dit...

Benvengut dins lo monde daus blogaires ! Espere la sega daus articles (emai las responsas aus lectors !!!). Me demande si la demanda fuguet pas tan genta coma "avetz 13 articles de me far sus un blògue per la debuta de genier". Qu'es quò, non ?

Cercaval ha dit...

Mercès plan. Solide : 13 articles de 15 linhas...
Mas benlèu que val melhor que de dire : "me faretz 100 linhas", non ?
A lèu.

Unknown ha dit...

Ten, vene de veire que t'avias botat lo Bloguitge sus ton blògue. Alaidonc, te vau marcar sus lo site oficiau !

Cercaval ha dit...

Te'n mercègi l'òme.