DICHA

CUPPING

Qu’es aquò ? Qu’es aquò ?
Non, es pas un biais de defugir la calorassa en cercant de se metre dins l’escur (de cup : fosc, escur, segon Lo Congrès). Aquò’s una terapia per los esportius de naut nivèl que permetriá una bona recuperacion entre las competicions. Es question de far una aplicacion de ventosas (que va donar de punts roges dins l’esquina de l’atlèta).

LO SUD

Un viatge dins lo sud aquò’s, en realitat, un viatge al dintre del crusòl d’una farga d’ont sortiguèt aquela matèria fòrça complèxa qu’es la civilizacion occidentala.[...]
Qual viaja dins lo sud - qu’o sapièsse o non – se cerca el meteis fin finala.[...]
D’un biais, un viatge dins lo sud aquò permet de se mainar que sèm totes fraires, totes filhs del meteis trabalh e de la meteissa jòia de viure.[...]
Dins un viatge, avèm de còps la sensacion de se trapar dins un laberint ont las causas avançan geograficament à l’orizontala e istoricament a la verticala. Sèm trebolat per una molonada d’emocions opausadas.
Tirat e revirat de Italie du soleil, Clara Valenziano.

AL RESTAURANT (TORNARMAI)

MISTÈRI

L'IA EN AJUDA

SEINA

SALVES

ASCENSOR

EMPATIA

VOCABULARI JORNALISTIC

A ESQUÈRRA : tambolha, cosina, manigança, maquinhonatge, manipòli, patricolatge, traficatge, pastifasti, dissension, quasi-rompedura, combinazione...
A DRECHA : clarificacion, discussion, negociacion, concertacion, escambi, dialòg, deliberacion, debat, conciliacion, coalicion, deal...

LO MOT : TAPERING

   Lo tapering coneissètz ?
Es pas brica lo biais d’aprestar las taperas (o tapenas) al nòstre. Mas es puslèu un quicòm que nos ven d’America, un còp de mai.
Per los esportius, es una passa de repaus abans lo jorn J qu’a per tòca de redusir la cansièra acumulada durant los meses d’entrainament intensiu.