Carlos Ruiz-Zafón : " Al final, quin sentit té una ciència capaç d'enviar un home a la lluna, però incapaç de posar un tros de pa sobre la taula de tot ésser humà ? "
(L'ombra del vent).

dimarts, 29 de juny del 2021

LA BADERCA (HERRAN)


Dissabte passat èri a Sant Girons per escotar lo concèrt de Nadau.
Entre totas las cançons, Nadau ne presentèt una, omenatge pertocant a Norbert Aspa, « un chinau innocent » del masatge de La Baderca, còsta Herran dins Garona Nauta, torturat e acabat a la baioneta pels soldats de la division Das Reich lo 11 d’agost de 1944. Mercé al el.
Per desbrembar pas.

LA LEI MOLAC CONFORMA 
A LA CONSTITUCION ?


https://www.conseil-constitutionnel.fr/sites/default/files/as/root/bank_mm/decisions/2021818dc/2021818dc_contributions.pdf?utm_source=ocari&utm_medium=email&utm_campaign=20210629081502_26_nl_nl_lexpress_bout_des_langues_60da0c4d8a44673a617b23c6#EMID=89f02b8b9ddcd35cf7da977211d5691b8a0ae72fc3dc7daab3beebae45f4c164
Ligam donat per Michel Feltin-Palas

dimecres, 23 de juny del 2021

BAC : LO GRAND ORAL


De professors dins de juradas ont l'especialitat èra pas sieuna...
D'escolans convidats dins un centre d'examen ont èran pas esperats...
D'ensenhaires convidats a la meteissa ora a dos endreits diferents...
Un oral ont çò que compta vertadièrament es pas al programa...
Lo gos seriá pas un pauc tròp pesuc, tròp complicat, tròp car, fin finala pas adaptat al "mond novèl" ?
Lo gos, aurián pas enveja de lo negar ?

dilluns, 21 de juny del 2021

EURO FOOT 2021

REGIONALAS


Quand vesi aquò, me disi que los aujòls tornèsson, defuntarián tornarmai sulpic de vergonha.
Dins la region Occitania, quand vesi d'occitans contra la lista sortenta ont i a ja d'occitans, me disi que farem pas país.

divendres, 18 de juny del 2021

OCCITAN / ITALIAN


Occitan - Italian = meteissa batèsta.
Amb la reforma Blanquer, l'ensenhament de l'italian, coma l'ensenhament de l'occitan, es en dangièr.
Podètz signar la peticion aquí :
https://www.change.org/p/rectorat-de-rouen-enseignement-de-l-italien-lvc-chronique-d-une-mort-programmée

dimecres, 16 de juny del 2021

JOSEPON


Josepon dintra dins un bar un fusilh dins una man, un ferrat amb de bosa de vaca de l’autra e comanda un cafè. Lo beu d’un còp, geta la bosa en l’aire e tira un còp de fusilh dedins.
L’endeman, dintra tornarmai dins lo bar e comanda un cafè.
- Ou l’òme ! fa lo patron, acabam tot just de netejar ton afar d’ièr… de qué t’arriba macarèl ?
- Soi a seguir una formacion de manajament per fa de cadre superior e fau un exercici : arribi, bevi lo cafè, semeni la mèrda e me’n vau !

diumenge, 13 de juny del 2021

INFLUENCIAIRE


A l’ora d’ara los “influenciaires” venon de mòda.
Es a dire de mond que te vòlon far beure mentre qu’as talent (o lo contrari).
Cal saber qu’en italian “influenza” es una malautiá (gripa).
Alara que se’n anen influenciar a la vinha, benlèu que ne traparàn la clau (de la bestiesa).

dimecres, 9 de juny del 2021

AVIÁ 20 ANS...

Aviá 20 ans e èra un jove fotbalaire prometeire. Dins sa letra d’adieu assegurava que lo retorn del faissisme italian fa venir la vida insuportabla als negres (Jornalet).
Al nòstre lo RN vòl ganhar de regions. D'unes agachan de l'autre costat, que de se'n mainar seriá politic. Veirem ben ont l'apolitisme nos mena...

PERMISSION

dijous, 3 de juny del 2021

TE DESBREMBAREM PAS

Miquèl Decòr, Montolieu, 2008

Lo meu país...
Lo meu país comença al furòl del bartàs, jos lo cade verdàs, al bragalon raspat per unas lèbres bèlas, al clapàs arroïnat de vièlha capitèla, al figum amagat d'una traça de figuièra, al cipressièr ponchut que son det n'es macat de grafinhar lo cèl, al taperièr crocut que sa flor espelís dins l'aire coma mèl, a la senda que monta al ras de las muretas cap al país naut en cerca d'èrbas dreitas...
Lo meu país n'en finís pas de perseguir l'aureta.
(Miquèl Decòr, Eiretièrs de la luna, Par tous les chemins Florilège poétique des langues de France, M-J. Verny, N. Paganelli)