Aviái parcada la veitura ont caliá pas e m’èri empegat un verbal. Aqueste matin, al despertar, quina jòia, quin plaser, quin contentament de veire que los 45 euròs me los aviái estalviats !
Mas ara, soscatz un momenton : amb un pauc d’entrainament se pòt far un sòmi cada nuèit. Chifratz : 45 euròs per 30 nuèits aquò fa 1350 euròs per mes, sens cap de fatiga (e defiscalizats per subrepés) !
Alara ? Avètz trapat quicòm mai, vosautres … per ganhar de moneda en bolegar pas ?
Encara, benlèu poiretz calcular per aumentar la saqueta. Per exemple, los verbals per despassament de velocitat son mai valorizats. Poiretz somiar tanben qu’avètz desbrembat de pagar, aquò fa una majoracion.
Se volètz doblar lo gasanh podètz far prangièra.
Vesètz qu’es pas una idèa de carton…
Cap comentari:
Publica un comentari a l'entrada