I.A.

Locutors e locutrises de lengas minoradas : balhetz pas vòstras voses !
O sabèm plan, la desaparicion progressiva de la diversitat de las lengas de França (coma dins lo monde) es pas brica un fenomèn natural ineluctable, mas una volontat politica qu'a metodicament eradicat la practica de lengas coma lo breton, l'occitan, lo picard o l'alsacian. D'un autre costat, parlar de lengas minoradas e non menoras, raras, o « pauc dotadas », coma o legissèm jos la pluma dels lingüistas al còr grand qu’abraçan las tecnologias novèlas per venir al secors d'aquelas lengas (lengas de França o d'endacòm mai), permet d'insistir sul fach qu'aquela minorizacion es pas naturala mas vertadièrament quicòm d’endurat, al profièch de las lengas dominantas, coma o son lo francés o l'anglés. [...] Aquò dich, desiram aicí contestar la demarcha mesa endavant dins mantun article que crida los locutors e locutrises de lengas regionalas e/o minoradas a balhar lors voses per la sciéncia, e relevar l'ipocrisia e lo cinisme d'aquel projècte.
Balhetz pas vòstras voses, gardatz-las per far viure vòstras lengas !
Tirat e revirat del site En chair et en os
Per la seguida (en fr) :
https://enchairetenos.org/locuteurs-et-locutrices-de-langues-minorees-ne-donnez-pas-vos-voix/