RADIO (TV) PARIS

LOS VIÈLHS

Per Macron, los vièlhs còstan de tròp. Alara volguèt çaganhar las retiradas que “l’estòc “, coma o ditz, es tròp bèl. : 14 milions ara e deman 17 milions. Aquò gasta sa “règla d’aur” : pas mai de 14% del PIB pels vièlhs (e lo PIB se quichèsse las pensions tanben !) Aumentar la CSG, desindexar las retiradas dels prèses, inventar un sistèma de “punts” sus 43 annadas d’escotissons, Macron faguèt tot per l’impausar contra de milièrs de manifestacions, de caumas, e contra 70% de l’opinion.
Puèi tombèt lo Covid-19 : lo mond de Macron se l’esperava pas. Aviá un argent fòl mas pas de seringas ; de lacrimogènas mas pas d’espitals ; de bloquièrs mas pas de masquetas, nimai de lièits nimai de respirators. Febrinèl, remandèt l’espetament de las retiradas. “Aquò’s per apasimar” çò diguèt.
Macron chifrèt qu’aquò seriá compensat a condicion que “l’estòc” demesiguèsse. La professora Karine Lacombe o diguèt lo 29 de març :
“Metem pas las personas vièlhas en reanimacion, es pas confortable per elas.”
Las pas salvar a tota fòrça. Amb lo Retrovil aquò balha una “fin doça” sens masquetas e sens lièits d’espital, sens personal. Aquò tomba plan. Pas pels vièlhs generalament, mas sonque pels vièlhs paures...
Un senator american fa cort : “La vertadièra question es aquela : anam arroïnar tota l’economia per salvar 2,5% de la populacion que còstan car e son pas mai productius ?”
En França un jornalista, Jean Quatremer, diguèt çò mème a quicòm pròche.
Sus France 2, Elise Lucet conta qu’un mètge denóncia : “vòlon suprimir las personas de 70 a 90 ans”. Un autre biais de demesir las retiradas.
Se cal pas daissar far : nacionalizacion de totes los Ehpad, 5 miliards sul pic, un grand servici public de la dependéncia, finançat per una branca especiala d’escotisson salariala e patronala de la Securitat Sociala !
E rai per Korian, maquina a cash líder sul mercat dels Ehpad : los accionaris seràn expropriats, aquò serà compensat per los aplaudiments lo ser a 20h.
Tirat de la cronica de Gérard Filoche, L'Humanité-Dimanche 23/04/2020

S'OCUPAN ENCARA DE NAUTRES

RETOUR AU TRAVAIL

S'OCUPAN TOTJORN DE NAUTRES

S'OCUPAN DE NAUTRES

Sorga L'Humanité

AGÈTZ PAS PAUR

COSSÍ ?

Un que te conta
lo 7 que te cal sortir
lo 12 que te cal dintrar
lo 14 que te cal anar a la votacion
lo 16 que te cal demorar a l'ostal
lo 19 que te cal anar al trabalh
cossí lo cal sonar aqueste ?

DAQUÒS

LOS VIÈLHS ESCARTAIRATS

Al desconfinhament, quand siás vièlh te van demandar de demorar a l'ostal. Mas cossí van far los vièlhs que trabalhan ?

ANNIE ERNAUX, VIAN, SOUCHON

« Je vous fais une lettre
Que vous lirez peut-être
Si vous avez le temps
[...] Sachez, Monsieur le Président, que nous ne laisserons plus nous voler notre vie, nous n’avons qu’elle, et « rien ne vaut la vie » - chanson, encore, d’Alain Souchon. Ni bâillonner durablement nos libertés démocratiques, aujourd’hui restreintes, liberté qui permet à ma lettre – contrairement à celle de Boris Vian, interdite de radio – d’être lue ce matin sur les ondes d’une radio nationale »
(Annie Ernaux) 30 /03 / 2020

AJUDA ALS MAI NECESSITOSES