QUIPROQUO

LUÍS SEPÚLVEDA

Pendent cinc meses, formèt e afinèt son gost per la lecture, mentre que s’emplenava l’esperit de dobtes e de responsas. En tornant legir los tèxtes de geometria, se demandava se, vertadièrament, valiá la pena de saber legir e, d’aquela mena de libre, servèt pas qu’una sola longa frasa que desforrelava dins los moments de mala umor :
« Dins un triangle rectangle, l’ipotenusa es lo costat opausat a l’angle dreit ».
Frasa que, mai tard, provocava una brava estupor pels estatjants de El Idilio que la recebián coma un viralenga dessenat o un renegament evident.
Los tèxtes d’istòria li semblèron una cordelada de messorgas. Cossí èra possible qu’aqueles monsuròts pallinèls, gantats fins al coide e cargats de bragas de funambule, foguèsson capables de ganhar de batalhas ? Bastava los veire, las boclas plan adobadas, flotejantas al vent, per se mainar qu’aqueles mistoflets èran pas pro rusats per tuar sonqu’una mosca.
De tal biais que los episòdis istorics se trobèron forabandits de sos gostes de lector.
(Tirat e revirat de Un viejo que leia novelas de amor de Luis Sepúlveda).

URGÉNCIAS

FORMIDABLE !

Sabètz que lo problèma de l’energia es un problèma màger. E ben avètz aquí un biais revolucionari per far d’electricitat ! Basta de raprochar aquelas doas causas e quand se van tocar, aquò va fa de belugas...

O alara aquelas tanben :

NUANÇA

AOC

UN CÒP DOS CÒPS TRES CÒPS

WOLINSKI Totjorn d'actualitat !

ÇÒ QUE CÀMBIA

CARLOS RUÍZ ZAFÓN

« Contèt, perque dins sas venas rajava lo vin de la narracion, e lo cèl aviá volgut que son experiéncia foguèsse, primièr a el meteis, de se contar las causas del monde perfin de las poder compréner puèi las contar als autres, ondradas de la musica e de la lutz literàrias. Ja que, emai la vida foguèsse pas un sòmi, èra çaquelà una comèdia ont la crudèla absurditat del raconte rajava totjorn en privat e qu’existissiá pas, entre cèl e tèrra, una mai bèla ni mai bona venjança que de fargar la beutat e l’esperit a còps de mots per trobar de sens dins la folia de las causas ».
Revirat de Carlos Ruíz Zafón, La ciudad de vapor.
* Carlos Ruiz Zafón es un escrivan catalan (1964 Barcelona - 2020 Los Angeles). Primièr escriguèt scenaris de cinèma e al meteis temps comencèt una carrièra de romancièr; escriu subretot en castelhan.
Son primèr roman per adultes, L'ombra del vent, aguèt un grand succès, aclamat coma una de las grandas revelacions literàrias. Aquel roman foguèt tradusit en mai de 36 lengas, e vendut a cinc milions d'exemplaris dins lo monde entièr e obtengèt fòrça prèmis internacionals (Wikipedia).

PANURGE

CAR PRESIDENT