O TOLOSA

Un reportatge de la cadena ARTE sus l’istòria de la cançon a Tolosa :
https://www.arte.tv/fr/videos/127148-000-A/a-toulouse-de-l-or-dans-la-voix/

PASSEJADA

Aquela activitat vièlha presenta mai d’un avantatge.
Primièr, marchar fa de ben al còs. Tanben aireja mai que los palmons : las neurònas. Enfin, un interés pro susprenent : podèm far de sociologia.
Per exemple : encontram de monde que, coma nosautres, passejan o corren.
Unes te saludan, d’autres son tròp ocupats a contrarotlar lo temps, lo còr, lo buf, sens un agach per tu.
Autra constatacion : las veituras que respèctan (o pas) la velocitat, l’estacionament.
Enfin se pòt veire cossí los cans passejan los mèstres...
Podèm tanben trobar causas perdudas. Es incredible çò que lo monde son capleugièrs : claus, telefonet, lunetas, etc., casuts sul trepador o pel lo valat.
Tot aquò nos pòt rendre optimista o pessimista.
Çaquelà, l’autre jorn que ploviá a ferrats, una autò s’arrestèt e lo menaire me demandèt se me voliái abrigar. Coma qué, benlèu lo monde se va pas escrancar encara.

SALDAS

SEGUIDA

PATRIMÒNI ESVALIT

« Lo patrimòni demòra un mormolh fragil, coma un refranh defendut que vibra al còr de cada pèira, coma un repròchi vengut de luènh, caput coma l’èdra, e que nos ditz d’onte venèm…» (Marineta Mazoyer, Jornalet, 23/11/2025).
Fòto Krzysztof Golik
https://www.jornalet.com/nova/23853/patrimoni-esvalit-que-nos-ditz-donte-venem

SÒMI

SENS LAS MANS

Un mainatge vòl far son numèro en bicicleta.
Passa davant son amic e brama :
- Sens las mans.
Fa un torn e torna :
- Sens los pès.
Fa un autre tour e s’amorra. L’amic fa :
- Sens la lenga.

VIN NOVÈL

D'unes dison qu'ongan ten un gost de responchon.

SENS FIL

Dins l’encastre d’un programa de furgas sosterranas, los scientifics russes descobriguèron 10 mètres al dejós del nivèl de la mar, de fils de coire vièlhs d’un milierat d’annadas. Ne tirèron la conclusion que lors aujòls, 10 sègles fa, dispausavan d’un malhum telefonic de fils de coire.
Evidentament, los cercaires americans se botèron a cavar tanben. Davalèron fins a 20 mètres. Trapèron de vestigis de veire. Concluguèron que lors rèires utilizavan fa 2000 ans una rantèla numerica de fibra de veire. Es a dire 1000 ans abans los Russes !
Una setmana mai tard, de Marselha, arribèt aquel messatge A.F.P. :
« Dins de furgas jos la plaja dels Catalans, a una prigondor de 50 mètres, los scientifics marselheses trobèron res de res. Ne faguèron la conclusion que los Ancians Provençals coneissián, fa ja 5 milierats d’annadas, lo malhum "sens fil" ».
Foguèt sonque un pauc mai tard que Dieu inventèt lo pastagàs perfin que los Marselheses se creguèsson pas los mèstres del monde.

SUSPRENENTS AMBIDÈXTRES

GRAMATICA

Mercé a Théa per son mandadís.

UN JORN A ALGIÈR

Monuments als martirs de la resisténcia.