En lengadocian

La poesia, aquò's lo pan dels paures (Serge Pey).

divendres, 23 de febrer del 2024

JOSÉ SARAMAGO

Pescarai pas res aicí, se diguèt, en pensant a un mot qu’èra pas dins son vocabulari costumièr, coma qué vesèm un còp de mai que la fòrça e la natura dels eveniments influisson bravament sul lexic. Pas qu’a veire aquel militar que diguèt “ mèrda “ quand li comandèron de se rendre, e qu’absolguèt atal del delicte de mala educacion unas exclamacions dins d’autras situacions mens dangierosas (Tirat e revirat de Ensaio sobre la cegueira de José Saramago).
Publié par à

1 comentari:

Joaquim Blasco ha dit...

Una atmosfèra plan aspra mas un roman fòrt lucid sus la condicion umana e sas misèrias. Dins l'estil inimitable de precision e de clartat de José Saramago.
Per se pausar d'aqueste roman, sus un tèma semblable mas tractat amb una mena d'umor negre: "As intermitências da Morte".

"L'endeman degun moriguèt pas pus. Lo fach, essent absoludament contrari a las nòrmas de la vida, provoquèt dins los esperits un trebolament enòrme, efièch dins totes los aspèctes justificat, basta que nos remembrem que i aviá pas d'exemple dins los quaranta volums de l'istòria universala, quitament pas un cas coma escapolon, que qualque còp seriá arribat un fenomèn parièr, que se passèsse una jornada entièra, amb sas prodigas vint-e-quatre oras totas, en comptant diurnas e nocturnas, matinalas e vesperalas, sens que i aguèsse agut cap de decès per causa de malautiá, casuda mortala, suicidi menat a bona fin, res de res, en un mot pas res. Quitament pas un d'aqueles accidents de la circulacion tan frequents dins d'escasenças festivas, quand l'alègra irresponsabilitat e l'excès d'alcoòl se fan rampèl un l'autre per las rotas per decidir qui capitarà d'arribar a la mòrt lo primièr. Lo cambiament d'annada aviá pas daissat darrièr el l'abituala e calaamitosa tirassada de funeralhas, coma se la vièlha atròpos de la dentadura gastada aquèsse decidit d'estremar los cisèls per un còp."

Tal coma a l'ora d'ara n'i a per se regaudir que faga caud en plen ivèrn, lo mond se regaudís de l'error administrativa qu'a suprimit la mòrt sens veire la catastròfa que lor tombarà dessús. Una pluralitat de lecturas per se daissar pas aconsomir pel condicionament ambient dins aquel autre excellent roman del Prèmi Nobel portugués. De legir d'urgéncia.

25 de febrer del 2024, a les 10:54

Publica un comentari a l'entrada

Subscriure's a: Comentaris del missatge (Atom)

Arquius del blòg