CAMBIAMENT

OPTIMISME

LA CAÇA

PARTENÇA

LOGICA

LO CANT DE LAS SERENAS

Un còp la nau arribada en nauta mar, un ventolet abriva sa velocitat. Tòcan l’isla de las Serenas, que lors cants enfachinan los òmes. Son segudas al ran del rivatge, enrodadas dels òssaments dels òmes que lors cants an tirats cap a la mòrt. Ulisses pasta un tròç bèl de cera, fins a çò que venguèsse tebés e mòl. Tapa las aurelhas de sos òmes e lor dona l’òrdre de l’estacar al mast. Quand la nau arriba a portada de votz de la tèrra, las Serenas la veson.
Mandan per dessús las èrsas las nòtas de lor cant armoniós.
Ven, bèl Ulisses
Eròi a l’acrin de ta glòria
Arrèsta, atura ton vaissèl
Escota nòstra istòria doça coma mèl
Vira aquela negra proa cap al rivatge
Tasta las delícias
De jorns de nuèits plens de magia
Que son pas que pels eròis
Coneissèm ton nòble passat
Coneissèm çò que resèrva l’avenir
Arresta-te un brieu amb nautras e contunha puèi
Òme aürós, òme mai savi
Lors voses son tant encantairas qu’Ulysse es pres d’un grand desir de’n ausir mai. Brama e rufa las cilhas, demanda als òmes d’èsser destacat, mas aqueles pòdon pas ausir ni los bramals ni lo cant.
Quand son en securitat, fòra portada de las voses, los òmes se quitan la cera de las aurelhas e destacan Ulisses del mast. Se complimentan totes d’aver defugida la primièra trapèla.
Adaptat de l’Odissèa

MANCAVA PAS QU'AQUÒ !

I A QUICÒM QUE TRUCA

ECOLOGIA LIBERALA

UN JORN A PECHBONIEU

Danças sevilhanas (2009)

NI - NI

Ni Le Pen ni Macron e auretz Le Pen.
Es atal, doçamenton, sus de patas de colomba, que çò que volèm pas arriba.
Agachatz a l’entorn, agachatz dins lo passat. Personas normalas coma vos e ieu, mond racionals e emorius, alassats e decebuts, mond de bona volontat, que an, per de bonas rasons, fait montar Hitler al poder, de limpadas e de banalizacion en banalizacion sens vertadièrament legir e ausir çò que pasmens èra dit e escrit, transparent jos una fina retorica de mascaratge. Es atal que lo Trump es arribat, pichon gròs capitalista nacionalista fièr de vos enganar. Hillary aviá un costat Macron, tecnocrata intelligenta e presidenta dels rics e vaquí Trump... es arribat atal...
Es atal que Bolsonaro, lo pèc nacionalista e paramilitar, metèt Lula en preson. Bolsonaro, Modi, Orban, Erdogan, Poutine, Xi Jinping, Kim Jong-un, la junta birmana, emai Boris Johson, val mai èsser en França. Pel moment ! Mas cal tremolar, devèm tremolar tot comptant las voses e los repòrts, amb Melanchon proprietari de las esquèrras. Cal saber çò qu’es lo nacionalisme. Cal compréner fins a quin punt Euròpa es plan mens pièger, justament per çò que, al fons, es un pauc vuèja coma l’umanisme, las Luses e nòstras valors.
Legissètz, escotatz a de bon çò que ditz e çò qu’escriu Marine Le Pen. Tot i es, del racisme a la demagogia antidemocratica. Vièlh coma lo mond. Dangierós e irrespirable, un mond ont se pòt pas mai alenar, ont poiretz pas mai alenar.
Votatz Macron e emmerdatz-lo, manifestatz contra l’universitat de mai en mai paganta, l’espital de mai en mai aclapat, la tecnocracia dematerializada de mai en mai invalidanta, l’auçada de la paurièra e de las inegalitats, l’ascensor social encara e totjorn encalat, l’ecologia nulardizada, parent paure del capitalisme mondial. Truquem cada jorn a còp de pè dins lo formiguièr, es un dangièr conegut e patentat !
Melanchon al trabalh. Pretendes encarnar l’esquèrra. Arrèsta de finassejar, cridi, non, òc, cridi o pas, guinhi la seguida, ieu pas ieu, mon ego, las legislativas. Va plan, diga-z-o a los que te creson de votar Macron. Pròva-lo que siás d’esquèrra, pas escambiable amb l’extrèma dreita. Es lo moment.
Senon, esperam plan que cap de mond te creiràn pas jamai pus.
Anem los jovents, los amics jovents e vosautres los vièlhs coma ieu, o cal saber : ni-ni aquò’s Le Pen.
Revirat de Barbara Cassin, filosòfa, filològa, directritz de recerca al CNRS, academiciana.

SE DITZ PAS MAI EGEMONISMEMAS MELANCHONISME