SONDATGE

CALENDIÈR

MÈFLA !

          Caganer catalan

L’excrement es, dins totes los senses del mot, inagantable : es una causa bruta, obscèna, tabó, que se pòt pas dire, censurabla, abjècta, immonda, d’amagar, de rebufar.
Situat al darrièr escalon dels elements, i a pas de mot « cande » per lo dire.
Çaquelà es consubstancial a la vida de totes los èstres vius, coma o escriu Montaigne dins sos Essais [...] Present dins de folclòres nombroses, del bufalcul e del caganer meridionals a las tornadas pebradas dels mainatges, d’Aristofanes als mites excremencials amerindians, l’excrement se pòt pas dire enlòc, mas es present e presupausat pertot. Es, coma lo jutjament, la causa del monde la mai partejada [...]
La scatologie s’apparente à une sorte de laboratoire du rapport à la langue, de terrain d’exploration de ses infinies possibilités sémantiques, blasphémiques et euphémistiques (Benveniste).
D’efèit, se pòt aisidament preveire que, coma per l’enonciat de tot element censurable o indicible, l’escatologia se dega de cercar totas menas de torns e de biaisses de lenga per s’exprimir. Escriure un diccionari d’escatologia es, indirectament, redigir un ensag sus la censura e lo censurable.
(Extrach tirat e revirat del Dictionnaire littéraire de la scatologie, d’Aristophane à Pierre Michon, Ed. Garnier).

GARDAREM...

Après 18 annadas de batèsta, lo projècte demencial de super-iper-mercat (primièr Portes de Gascogne puèi Val Tolosa) es estat definitivament abandonat.
Dins sa darrièra AG, l’associacion de Plasença deu Toish Gardarem la Menude (nom del luòc-dit) a decidit d’organizar un quicòm per festejar l’eveniment : lo 1èr de setembre venent.
Mai de precisions mai tard.
Aquí la retrospectiva :
http://www.gardaremlamenude.com/blog/pages/accueil

PUDESINA

Quand France TV (servici public ?) acompanha lo RN.
S’apresta lo revirament de vèsta ?
https://www.blast-info.fr/articles/2024/info-blast-france-tv-organise-une-purge-des-journalistes-signataires-de-la-tribune-contre-la-menace-de-lextreme-droite-ZQYtNLH2ROutHmzHJx22zg
https://www.humanite.fr/medias/extreme-droite/front-commun-des-medias-des-signataires-sanctionnes-a-france-televisions

EXTREMUM

FEBRINÈLS ?

Benlèu qu'an perdut quicòm ?

PLEGAREM PAS

Sul blògue de l’IEO Erau un article interessant :
https://ieo-erau.com/19/06/2024/plegarem-pas-facia-a-la-granda-paur/

REVOLUCION RESOLUCION

NFP

Lo programa :
https://assets.nationbuilder.com/nouveaufrontpopulaire/pages/1/attachments/original/1718371078/Programme-nouveaufrontpopulaire.pdf
Quand les blés sont sous la grêle
Fou qui fait le délicat
Aragon

LO MOT ESCÒLA

Una istòria pels joves
Aquela es subretot pels joves que van èsser suspreses d’o conéisser.
Escòla, mot que ressona per eles coma trabalh, susor, pena, sòm perduda, laguis e carpans, vòl dire tot just lo contrari : repaus, lésers, plaser, temps liure. Atal. Lo mot « scholé » vòl dire vertadièrament tot aquò, per la rason que, dins l’Antiquitat, quand los òmes se vodavan per la màger part a las duras besonhas de las armas e dels camps, las oras dedicadas als libres e a l’exercici de l’esperit èran per eles un repaus agradiu e reviscolaire. Los Latins disián quitament « otia litterata » - lésers consacrats a las letras - las oras ont cadun s’emplegava a la cultura, a las lecturas, e en general als estudis.
Tirat e revirat de Aldo Gabrielli, Avventura nella foresta del vocabulario.

COPAR