OPTIMIZACION

AJUDA (O PAS)

EURÒPA

MESPRESA

RESCALFAMENT

LACH BIO

UN ROGE

Mercé Françon pel mandadís.

TECNOLOGIA

La tecnologia es plan polida... quand marcha.
Ara, lo blògue tròba sa visibilitat pas qu’al centre. Per exemple vesèm pas pus los sites amics e los sostens.
Un còp dels centristas ?
Nos perdèm en conjecturas sus l’origina d’aquel problèma.

O TOLOSA

Un reportatge de la cadena ARTE sus l’istòria de la cançon a Tolosa :
https://www.arte.tv/fr/videos/127148-000-A/a-toulouse-de-l-or-dans-la-voix/

PASSEJADA

Aquela activitat vièlha presenta mai d’un avantatge.
Primièr, marchar fa de ben al còs. Tanben aireja mai que los palmons : las neurònas. Enfin, un interés pro susprenent : podèm far de sociologia.
Per exemple : encontram de monde que, coma nosautres, passejan o corren.
Unes te saludan, d’autres son tròp ocupats a contrarotlar lo temps, lo còr, lo buf, sens un agach per tu.
Autra constatacion : las veituras que respèctan (o pas) la velocitat, l’estacionament.
Enfin se pòt veire cossí los cans passejan los mèstres...
Podèm tanben trobar causas perdudas. Es incredible çò que lo monde son capleugièrs : claus, telefonet, lunetas, etc., casuts sul trepador o pel lo valat.
Tot aquò nos pòt rendre optimista o pessimista.
Çaquelà, l’autre jorn que ploviá a ferrats, una autò s’arrestèt e lo menaire me demandèt se me voliái abrigar. Coma qué, benlèu lo monde se va pas escrancar encara.

SALDAS

SEGUIDA