PLOMBIÈR

QUE TE FARIÁ PLASER ?

LA RETIRADA

Pablo ensajava de caçar de son cap los imatges d'exòde que li tornavan dempuèi qu'avián començat aquela velhada interminabla. Tornava veire la frontièra, las femnas, los dròlles. La fam. Los nafrats. E los mòrts. De mòrts qu'estropavan dins de cobèrtas e que demoravan aquí, estirats sul bòrd de la rota. De mòrts mitat nuds, lo cap dins la fanga dels valats. De mòrts dessecats, confles, e d'autres que semblavan prèstes a se levar per tornar partir. E puèi d'autres encara que contunhavan a caminar, se penjant als vius. Aqueles, avián vertadièrament de caras de mòrts, amb simplament los dos ponches dels uèlhs que vivián encara intensament. Mas, al moment que lors uèlhs se clucavan, sufisiá de los estirar sul bòrd del camin per compréner qu'èran mòrts dempuèi longtemps. Aqueles, la guèrra los aviá pas tuats en los trucant : los aviá roganhats, usats, voidats lentament.
(Tirat e revirat de Bernard Clavel, L’Espagnol)

CAGADAS

« Son fabulosas las cagadas. Cada bèstia a sa pròpria dejeccion (sic). La cagada de la lèbre es pichona, daurada, polidament escalprada. La cagada del ragondin, aquò’s magic, se diriá una noga exotica estriada...»
(Tirat e revirat de Candice Renoir, FR3)

EN NISSART

MIRACLE

MODÈL

QUE FASIÁS ?

BONA NOVÈLA : JORDI SAVALL PREMIAT

RENDÈTZ-VOS

SEQUENON

MESPRESA

Un representant de comèrci dintra al sieu en veitura de nuèit. A un moment donat vei sul costat de la rota un omenet verd que se plorava. S’arrèsta e demanda çò que i a.
- Bonser. Soi verd, veni d’Uranus, soi perdut e ai talent.
- Ai pas grand causa mas vos pòdi donar l'entrepan que me demòra.
Un pauc mai luènh, se maina d’un omenet roge que se plora.
S’arrèsta e demanda çò que se passa.
- Bonser. Soi roge, veni del planeta Gratussamelacodena, soi perdut e me teni una set !
- Ai pas grand causa, mas vos pòdi daissar ma botelha d’aiga.
E perseguís son camin.
Un pauc mai luènh, s’avisa d’un òme blau. Comença de n’aver un sadol d’aqueles òmes de totas las colors. S’arrèsta e fa :
- E tu l’òme blau a la mascolhonat, de quin planeta siás ?
E l’òme blau s’acerca, lo saluda e respond :
- Papièrs se vos plai.