E ben, quina tropelada de blògs LLCER !
Una amorosa de Pei-Lobié amb una decoracion polideta, Occima que nos parla de la bona vila d’Arles, Carole de la pedagogia Freinet, una parpalholejaira audenca nostalgica de las annadas 70 (n'en cal ça que la !), un poeta de las garrigas roquetianas, una cercaira de tresaur en Avairon, una sòcia de rubí de XIII, una Sanquilha afiscada de BD (entre autre), lo blòg de Mimi del còr bèl, una lemosina qu’estima plan son país (normal), una Caròleuh dançaira de tria, un despatriat en Germania, un Marselhés totjorn jove, Tomàs l'afogat de musica, un Pichirico de las fotòs remirablas, un amorós de Bèla Ciao, un passejaire sul camin d’Augièr.
En mai d'aquò, los qu’an pas esperat la crida de Mela : un Lemosin mai rapid que son ombra (urosament qu'i siás !), una Fadarèla e son blòg gaireben professional, lo polit Cant de l’ochava, un rabelesian pro savi, l’Anchoia, Chichoa en barraquetas.
Coma tot escapolon que se respècta es fòrça mirgalhat, manca pas que lo ratet-lavaire :)
5 comentaris:
Me'n mancava un de blògue. Lo dau passejaire sus lo camin d'Augièr...
Degun es perfièch... mas vesi, un còp de mai, que seguisses aquò de près.
Ben oc-es... Segue tot... Sei a crear la Guepeòc per lo jorn que seràn independents !! :-D
Sabe pas ente fotre mon comentari fòrça intelligent sus la BD dau pol, lo fote aqui : EDR !!!
E de que vòl dire aquò: EDR ?
EDR = estripat de rire = MDR en francés = LOL en anglés :-D
Publica un comentari a l'entrada