EVOLUCION

SOLIDARITAT

BONA NOVÈLA

Lo prisonièr palestinian, a qui escriviái dempuèi 2013, es estat enfin liberat.
Ara, sabi pas çò que l'espèra, mas çaquelà es liure.

REVISCOL

TAXA

UN JORN A LA GUÉPIA

En 2005, una còla de l’Universitat de La Guépia èra a visitar la pichona val de Boneta ont se quilhava un polit molin.
Lo molinièr explicava son foncionament e un estudiant arrestava pas de pausar un fum de questions. A la fin, lo responsable presentèt l’estudiant al molinièr :
- Vesètz aquel jove ven dels Estats-Units.
Lo molinièr ne demorèt nec :
- Venètz de las Americas e coneissètz la lenga nòstra !
Pensi que lo molinièr n’es pas encara revengut...

Una autra annada, èrem a legir un tèxte d'Ives Roqueta ont l'autor parlava de son enfança dins lo campèstre. Descriviá la sortida a las aubetas del prièire acompanhat del clerjon (l'autor jove) cap a una bòrda luènh per donar l'extrèma oncion a un papeta a mand de tibar l'artelh.
A la fin de la lectura, aquí que la nòstra plan aimada Naoko (qu'aviá publicat un diccionari japonés - occitan) s'exclamèt :
- Compreni pas res. Qu'es aquò un clerjon, qu'es aquò l'extrèma oncion ?
Èra curiós de veire qu'una tan saberuda persona aviá de dificultats de compreneson. Mas, pecat, las diferéncias entre las culturas aquò's una realitat.

LO MOT : ARMARI

Uèi, dins un armari, se pòt estremar las causas mai divèrsas e mai inofensivas del monde. Mas un còp èra, al contrari, aquel mòble nasquèt dins una tòca plan precisa : servar escondudas e en securitat las armas de la familha.
De arma los Latins tirèron armàrium, recapte per las armas.
L’armàrium èra de costuma cavat dins la ròca o dins una paret e plan tampat.
Puèi lo recapte foguèt emplegat per servar quicòm mai : papirus, tauletas, claus.
A l’Edad Mejana, los vertadièrs mòbles trabalhats s’encontravan subretot en çò dels princes o dins los mostièrs (pels objèctes del culte). Causas, fin finalas, plan aluenhadas de las armas.
(Tirat e revirat de Aldo Gabrielli, Avventure nella foresta del vocabolario).

LO REI NUD

Ont son lo «monde novèl», la «disrupcion» dins un sistèma politic en decomposicion, lo despassament del clivatge drecha / esquèrra remplaçat per una «coalicion de competéncias» ?
A las escobilhas los còsses intermediaris, los sindicats, los vièlhs partits, los Galeses rebecaires.
E los jornalistas, aqueles cans de garda, jaupaires patentats, van entrevistar l’innocent de servici per escupir suls sindicats e los partits politics.
Privatizat lo castèl de Versailles, emborniats los «gilets jaunes», alargats los privilègis fiscals dels mai fortunats.
La suspension de la contra-refòrma de las pensions representa pas qu’una manòbra de mai per encara ganhar un pauc de temps. Mas quant ?

IL PEGGIO...

Pensas que lo pièger es passat mas al contrari es anat quèrre d'ajuda.

Tota semblança amb una situacion reala parièra es pas volontària e seriá pas qu’una coïncidéncia.

SOCIAL

R. LAFONT

Lo « senhal » metiá un ponch final a mai d'un millenari de paraula sus gaireben dos cents mila quilomètres carrats.
[...]
Sabiá pas, lo mèstre d'Egletons près Ventador que, dins las roïnas del castèl vesin, aviá ressonat, bèl temps a, la votz mai illustra d'Euròpa, qu'ensenhava als corses de son temps, non pas las tres operacions, mas lo rafinament de las estròfas, la beutat de las melodias e los tremolums de la passion amorosa dins una lenga de nauta cultura.
R. Lafont, Vingt lettres sur l’histoire.

SILENCI